بە پێی ڕاپۆرتی هاناخه به ر ، مەنوچێهر حاتەمی، لە وتووێژ لەگەڵ هەواڵنێران، بە ئاماژەدان بە دوایین دۆخی پێدانی قەرزی هاوسەرگیری بە هاوسەرە لاوەکانی کرماشان، ڕایگەیاند: لە سەرەتای ئەمساڵەوە تا کۆتایی مانگی نۆڤەمبەر ٢١ هەزار و ٨٣٩ کەس بۆ وەرگرتنی قەرزی هاوسەرگیری لە کرماشان ناوی خۆیان تۆمار کردووە.
ئاماژەی بەوەشکرد: 15 هەزار و 144 کەس، واتە 70%ی ئەو کەسانە، توانیویانە لەم ماوەیەدا قەرزی هاوسەرگیریان لە تۆڕی بانکی پارێزگاکە وەربگرن.
بەڕێوەبەری گشتیی وەرزش و لاوانی کرماشان، پێدانی ئیمکاناتی قەرزی هاوسەرگیریی بۆ ئەو ژن و مێردانەی زیاتر لە سێ هەزار ملیار تومان ڕاگەیاند.
وتیشی: شەش هەزار و 645 کەس هێشتا لە ڕیزدان بۆ وەرگرتنی قەرزی هاوسەرگیری.
حاتەمی زیادی کرد: تێکڕای پێدانی قەرزی هاوسەرگیری لە کرماشان لە سەدا سێ لە تێکڕای نیشتمانی زیاترە.
کۆمێنتێک پۆست بکە